سفیر الحب

الهتف عطشان

ما   تاه   البخت  والبخت عدنه اجبال

ولا   مات   الکرم   والکرم  حی عدنه

احنا   احفاد  حیدر و   النبی    المختار

و لا   نتمنّی    من    ظالم    یساعدنه

الختم   بادیارنه  او  موثوق  بالتاریخ

او جیل  ابجیل   ما     واحد   یهددنه

ارضنه   امطرّزه    بالذهب   و الاثمار

علی  اعناد   الیضدنه    الّی  یعاندنه

ابزمان   اجدادنه او حاضرنه متّحدین

قبایل   عرب    من   یگدر    یشتّتنه

عدنه   اسباع   بالحومه تدگ ارچاب

بالشدّات   توگف    محد     ایصدنه

هویه   الگاع  ام   النه  و ابونه المای

و اخونه  الهور و  ابعازاتنه   ایمدنه

العادانه  نندمه   ابشرب کاس الموت

الشعب  واعی   العماله   ما تباعدنه

لتچوّم   حطب   لا   تحرگ   المظخور

الهتف عطشان  یخسر  من   یهددّنه

گطع بینه  یزید   اشطوطنه امجفیات

الحِر موجود   بالساحه  او  تشاهدنه

فک باب السدود النازله امن احذاک

و لا     منّه      علینه     من     تبّردنه

لان حگنه او  ربنه  چاسی  های الگاع

ابزلال   المای   و   اثمار او ملک جدنه

ندری    الباگنه    خاتلنه      بالمندوب

او    درینه     الصوّتیناله      الیجرّدنه

او ندری ابکل خیانه  الدیره من تنباگ

امن  اهلهه  الدسّوا  الغاشم  یفرهدنه

گعدنه   امن  المعاتب  بعد  ماکو نوم

ابشوارع  و  ابمزارع  نوگف    ابحگنه

اذا تتسمّی  مسلم تلطم اعلی احسین

احسین اعیاله  احنه  العطش  ناهبنه

تعال او  شوف  واتفحّص ابحر واعلام

او  کض  افلام  و اعرف  من   یعذّبنه

نطالب بالعداله  او طرد  کل مدسوس

حاکمنه  اصفهانی  او  واگف   ابضدنه

اذا  عندک   ضمیر   اتطالب  اباصلاح

نحب مسئول  من  عدنه  او یشاهدنه

ما نقبل  غریب  او   طامع  او مجهول

یخرّب    ما   یعمّر    بالرده    ایمسنه

الحلال او مات واسماک انتهت  بالهور

الزرع عطشان  و انت  اتطالب ابهدنه

چا  وینه  الوعد  تصبح  گمر و انجوم

ولا   جوعان  یبغی   ایطالب  ابسدنه

اذا  نطلع  عطاشا   انصیح  آه یحسین

تلزمنه   السجون   او    من   یحددّنه

اذا سولفنه   ما  عدنه   عمل   لا مال

الامن  بارهاب  یحسبنه   او  یگرّمنه

اذا  سکتینه  یکتلنه   الهظم   والعوز

یا    باب   الندگه    الی     یساعدنه

ملینه   او   تعبنه   الظلم  ما ینشال

الموت  اهون   علینه  امن الیعاندنه

نرید العیشه کاتلنه   الفقر و الجوع

انجمّع   بالغمامه   الکل   تشاهدنه

بعد بس السکوت  ایشوّق  الطاغین

لو موته اعلی حگ لو حگ یواعدنه

الما  یحفظ  وطن  ما یستحق ایعیش

بیه  او غربه   نسکن   واللّه یبعدنه

...

ارید  انحب  و اخلّی   الگلب   لامای

او یوم  ابیوم  احس   مختنگ  لامای

جفاف او  عطش  لا صحّه اکو لا مای

الغلاء   زاد    البطاله   اتحود     بیّه

...

نعرفه  النایب   الحطم   ولدنه

خذه  رایاتنه   او   ذبنه و لدنه

کله  حگنه  او  کرم  بینه  ولدنه

او سبانه او  دلل اعیاله  ابخفیّه

...

احنه اهل الکرم والزود من حاتم وصل لینه

عرضنه الارض ما تنباع  اشحدّه الّی یداعینه

او خل  یتقدّم  الطمّاع بصبعه انبزّه ابعینه

کل  دیره  الیشهد ماضیهه

والما  گدّره   ایغص    بیهه

و اجروح الذلّه  انداویهه

چا  یمته  الشارب  یهتز ، وانشوف افعاله

...

جاسم ثعلبی (الحسّانی) 27/04/1400